جەتىسۋ ءوڭىرىنىڭ جەمىستى ىستەرى

الماتى وبلىسىنىڭ اكىمى اماندىق باتالوۆتىڭ توراعالىعىمەن ءوڭىردىڭ بيىلعى جىلعى ءبىرىنشى جارتىجىلدىقتاعى الەۋمەتتىك-ەكونوميكالىق دامۋ قورىتىندىلارى جانە ەكىنشى جارتىجىلدىققا ارنالعان مىندەتتەرى جان-جاقتى تالقىلاندى.

مالىمەتتەرگە سۇيەنسەك، وبلىس بويىنشا ونەركəسىپ ءونىمىنىڭ كولەمى 329، 4 ملرد تەڭگەنى قۇراعان. ونىڭ ىشىندە وڭدەۋ ءوندىرىسى  3،6 پايىزعا وسكەن. اتاپ ايتقاندا، ازىق-ت ۇلىك ءوندىرىسى – 8 پايىز، سۋسىن شىعارۋ – 22،3 پايىز، فارماتسەۆتيكادا – 1،8 ەسە، ماشينا جاساۋ – 35،2 پايىزعا ارتقان.

اسىرەسە، ءونىم ءوندىرۋ كولەمىن وسىرۋگە وبلىستاعى 6 فارماتسەۆتيكالىق زاۋىت اتسالىسقان.  بۇل 6 زاۋىت بۇل كورسەتكىشتى 8 ملرد تەڭگەگە ۇلعايتىپ،   مەملەكەتتىك يندۋستريالدى-يننوۆاتسيالىق دامۋ باعدارلاماسى شەڭبەرىندە پايدالانۋعا بەرىلدى.

وسى العاشقى جارتىجىلدىقتا ىسكە قوسىلىپ جانە كەڭەيتىلگەن 39 نىسان وندىرىستە قوسىمشا 665 جاڭا جۇمىس ورنىنىڭ اشىلۋىنا تۇرتكى بولدى. وسىلايشا، اۋىل شارۋاشىلىعىندا اگروونەركاسىپ كەشەندى دامىتۋ باعدارلاماسى شەڭبەرىندەگى قارجىلىق قولداۋ ناتيجەسىندە ءوسىم 3 پايىزعا جەتتى. ارينە، كەز كەلگەن ءىستىڭ ىلگەرى-كەيىندى تۇستارى بارشىلىق. بىرقاتار اۋدانداردا شاعىن جانە ورتا بيزنەستى قولداۋ شارالارىندا، كووپەراتيۆتەر قۇرۋ ىسىندە، ينۆەستيتسيا تارتۋدا جانە باسقا دا ماڭىزدى كورسەتكىشتەردە كەمشىلىكتەر ورىن العان. شاعىن نەسيەنى يگەرۋ اقسۋ، بالقاش، ەسكەلدى، كوكسۋ، رايىمبەك، سارقان، ۇيعىر اۋداندارى مەن قاپشاعاي قالاسىندا تومەن دەڭگەيدە. ال اقسۋ جانە رايىمبەك اۋداندارىندا «ىرىس» باعدارلاماسى بويىنشا ءسۇت فەرمالارىنىڭ قۇرىلىسى ءالى باستالماعان.

جيىن بارىسىن قورىتىندىلاعان الماتى وبلىسىنىڭ اكىمى ا.باتالوۆ سالا باسشىلارى مەن اۋدان، قالا اكىمدەرىنە ءتيىستى تاپسىرمالار بەردى.  «بەرەكە»، «تالدىقورعان» يندۋستريالدى ايماقتارىنا ينۆەستيتسيا تارتۋمەن تۇبەگەيلى اينالىسۋ قاجەت. ينجەنەرلىك جۇيەلەرى تارتىلىپ، دايىن تۇرعان الاڭداردىڭ بار ەكەنىن كاسىپكەرلەرگە، ينۆەستورلارعا جەتكىزۋ ءۇشىن، قاجەت بولسا ينۆەستفورۋمدار وتكىزىپ، كورسەتىڭىزدەر، ۇسىنىڭىزدار. مەملەكەتتىك-جەكەمەنشىك سەرىكتەستىكتى ودان ءارى دامىتۋىمىز كەرەك. ونەركاسىپ وندىرىسىندە ءبىرىنشى جارتىجىلدىقتىڭ وسى ءوسىم دەڭگەيىن ساقتاۋعا ءتيىسپىز. اسىرەسە، جۇيەقۇراۋشى كاسىپورىنداردىڭ ءوندىرىس قارقىنىن ەرەكشە نازاردا ۇستاساڭىزدار دەيمىن. جاڭا جۇمىس ورىندارىن اشۋ، شاعىن جانە ورتا بيزنەستى قولداۋ، شاعىن نەسيەلەر بەرۋ مەن ونى يگەرۋ، كووپەراتيۆتەر قۇرۋ ماسەلەسى دە قاداعالاۋدا بولسىن»، – دەدى ا.باتالوۆ. سونىمەن قاتار جىلىتۋ ماۋسىمىنا دايىندىق شارالارىن، جاڭا وقۋ جىلىندا پايدالانۋعا بەرىلۋى ءتيىس جاڭا مەكتەپتەردىڭ قۇرىلىسىن باقىلاۋدى، تۇرعىن ءۇي قۇرىلىسى ماسەلەلەرىن دە تۇراقتى نازارعا الۋدى قاتاڭ  تاپسىردى.

 

 

ۇقساس جاڭالىقتار

Back to top button