قازاقستاندىق قىزداردى كورەياعا سەكس-قىزمەت كورسەتۋگە جىبەرگەندەر ۇستالدى

الماتىدا قازاقستاندىق قىزداردى كورەياعا سەكس-قىزمەت كورسەتۋگە جىبەرگەندەر ۇستالدى. الماتىدا كولىك پوليتسياسى زاڭسىز كوشى-قونمەن اينالىسقان ۇيىمداسقان قىلمىستىق توپتى ۇستادى، – دەپ حابارلايدى Tengrinews.kz كولىكتەگى ءىىد ءباسپاسوز قىزمەتىنە سىلتەمە جاساپ.

ۆەدومستۆو مالىمەتىنشە، الماتى حالىقارالىق اۋەجايىندا 59 جاستاعى ەر ادام مەن ەكى ايەل ۇستالعان. «كولىك پوليتسياسىنىڭ قىزمەتكەرلەرى تەكسەرىس كەزىندە ۇستالعانداردىڭ زاڭسىز كوشى-قونمەن اينالىسقانىن، ياعني، جاس قىزداردى الماتى اۋەجايى ارقىلى قازاقستاننان الىپ كەتىپ، وڭتۇستىك كورەياعا سەكس قىزمەت كورسەتۋگە جىبەرمەكشى بولعان»، – دەپ حابارلادى كولىكتەگى ءىىد ءباسپاسوز قىزمەتىندەگىلەر. بۇل دەرەك قر قىلمىستىق كودەكسىنىڭ 394-بابى بويىنشا («زاڭسىز كوشى-قوندى ۇيىمداستىرۋ») سوتقا دەيىنگى بىرىڭعاي تەرگەۋ رەەسترىنە تىركەلدى. جەدەل تەرگەۋ شارالارى جۇرگىزىلىپ جاتىر.

Back to top button