الماتى كوشەسىنەن سومكەگە سالىنعان تاستاندى ءسابي تابىلدى

الماتىدا تاعى ءبىر شاقالاق تۋا سالا تاستاندى اتاندى دەپ حابارلايدى patrul.kz سايتىنا سىلتەمە جاساعان NUR.KZ. 

الاتاۋ اۋدانىنىڭ تۇرعىندارى چەرەمۋشكا كوشەسىنىڭ بويىندا جىبىرلاپ جاتقان قارا سومكەنى كورىپ، پوليتسيا مەن جەدەل جاردەم شاقىرتقان. العاشىندا ولار سومكە ىشىندە كۇشىك نەمەسە مىسىق شىعار دەپ ويلاپتى. قالىڭ كورپەنى اشىپ قالعاندا، شىرىلداپ جىلاعان نارەستە تۇرعىنداردى قاتتى ساستىرعان ەكەن.

«جەدەل جاردەم قىزمەتكەرلەرى تاستاندى بالانى قالالىق جۇقپالى اۋرۋلار بويىنشا بالالار ەمحاناسىنا اكەلدى. قىز بالا وسىدان بەس-التى كۇن بۇرىن عانا ومىرگە كەلگەن. نارەستەنىڭ جاعدايى جاقسى، تولىق تەكسەرۋدەن وتكىزىلدى»، – دەيدى ءبولىم مەڭگەرۋشىسى لياززات ەسقاليەۆا.

دارىگەرلەردىڭ ايتۋىنشا، قىز بالانى اناسى ستاتسيونارلىق جاعدايدا بوسانعان. امان-ەسەن دۇنيەگە كەلگەن سابيگە دارىگەرلەر «جەڭىس» دەگەن ەسىم بەرىپتى. تىپتى، اق حالاتتىلار اناسى باس تارتقان بالانى باۋىرلارىنا باسىپ، از ۋاقىتتىڭ ىشىندە تۋ تۋرالى كۋالىگىن جاساتىپ ۇلگەرگەن.

الايدا نارەستەنى توعىز اي كوتەرگەن كوكەك انا بالاسىن ءبىر رەت تە ىزدەپ كەلمەپتى.

«بالاسىن كوشەگە تاستاپ كەتكەن اناعا ىزدەۋ سالدىق. قازىر وسى وقيعاعا قاتىستى قىلمىستىق كودەكستىڭ 119 بابى (قاۋىپتى جەردە قالدىرۋ) بويىنشا ءىس قوزعالىپ، تەرگەلۋدە. سونىمەن قاتار، بالاقايدىڭ تۋىستارىن دا ىزدەپ جاتىرمىز»، – دەدى ءىىد قىزمەتكەرى لەيلا الىپباەۆا.

ۇقساس جاڭالىقتار

Back to top button