"التىن وردا" بازارى ماڭىنداعى ون جولاقتى جولدىڭ سىزباسى كورسەتىلدى

«التىن وردا» بازارى ماڭىنداعى ون جولاقتى جولدىڭ سىزباسى كورسەتىلدى. «الماتى-بىشكەك» رەسپۋبليكالىق ماڭىزى بار اۆتوموبيل جولىنىڭ 16-19 شاقىرىم ارالىعىنداعى بولىگىن كەڭەيتۋ بويىنشا قۇرىلىس-مونتاجداۋ جۇمىستارى 2017 جىلدىڭ قاراشاسىندا باستالادى دەپ جوسپارلانعان.

بۇل تۋرالى «قازاۆتوجول» ءباسپاسوز قىزمەتى وكىلدەرى حابارلادى، – دەپ جازادى Tengrinews.kz تىلشىسى. سونداي-اق، جولدىڭ سىزبا جوسپارى كورسەتىلدى. ونىمەن مىنا سىلتەمە بويىنشا ءوتىپ تانىسىپ شىعۋعا بولادى. سىزبا جوسپارىنىڭ سكرينشوتى ۇيىم وكىلدەرىنىڭ مالىمەتىنشە، جول بولىگىنىڭ قاشىقتىعى – 3،86 شاقىرىم. جوبا 2017 جىلدىڭ قاراشاسىندا باستالىپ، 2019 جىلعا دەيىن سوزىلادى. باس جوبالاۋشى «استاناسترويپروەكتسەرۆيس-م» جشس. ال باس مەردىگەردى 2017 جىلدىڭ 29 قىركۇيەگىندە انىقتاۋ جوسپارلانعان.  ايتا كەتەيىك، قازىرگى ۋاقىتتا جولدىڭ ءتورت قوزعالىس جولاعى بار. «جوبادا جولدى قوعامدىق، جەرگىلىكتى جانە ترانزيت كولىكتەرىنە ارناپ 10 جولاققا دەيىن (ەكى باعىتتا بەس-بەستەن) كەڭەيتۋ، ەستاكاداسى بار بۇرىلۋ اينالماسى،»تاعا» تارىزدەس اينالما ەستاكاداسى جانە «اپورت» سو، «التىن وردا» سو، «اسىل-ارمان» تك جانە رايىمبەك اۋىلىنىڭ ماڭىندا جاياۋ جۇرگىنشىلەرگە ارنالعان جەراستى وتكەلدەرىن سالۋ قاراستىرىلعان. جوبا 100 پايىزعا دايىندالىپ، وڭ قورىتىندى الۋ ءۇشىن «مەمساراپتاما» رمك-عا جولدانعان»، – دەپ پىكىر ءبىلدىردى «قازاۆتوجول» ءباسپاسوز قىزمەتىندەگىلەر.

ۇقساس جاڭالىقتار

Back to top button