"بولاشاققا" قۇجات تاپسىرۋ مەرزىمى 16 قازانعا دەيىن ۇزارتىلدى

«بولاشاق» ستيپەندياسىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ مەرزىمى 2017 جىلدىڭ 16 قازانىنا دەيىن ۇزارتىلدى.  بۇل تۋرالى وكق-دا «بولاشاق» ستيپەندياسىنىڭ كونكۋرستىق ىرىكتەۋىنىڭ جاڭا كەزەڭى تۋرالى ءباسپاوز ءماسليحاتىن وتكىزگەن «حالىقارالىق باعدارلامالار ورتالىعى» اق-نىڭ ۆيتسە-پرەزيدەنتى مەيىرجان الپىسباي ءمالىم ەتتى.

«2017 جىلى «بولاشاق» ستيپەندياسىن تاعايىنداۋ كونكۋرسىنا قۇجاتتاردى قابىلداۋ راسىمىنە وزگەرىستەر ەنگىزىلدى. قۇجاتتاردى قابىلداۋ 29 مامىر – 15 قىركۇيەك اراسىندا جۇزەگە اسىرىلادى. وسى كەزگە دەيىن شەتەلدە كادرلاردى دايارلاۋ جونىندەگى رەسپۋبليكالىق كوميسسيانىڭ شەشىمى بويىنشا 251 ادام ستيپەنديا يەگەرى اتاندى. قاجەتتىلىككە جانە قۇجاتتاردى قابىلداۋ مەرزىمىنىڭ سوڭىندا قاربالاس بولعانىنا بايلانىستى شەتەلدە كادرلاردى دايارلاۋ جونىندەگى رەسپۋبليكالىق كوميسسيا قۇجاتتاردى قابىلداۋ مەرزىمىن 16 قازانعا دەيىن ۇزارتۋ جونىندە شەشىم قابىلدادى. ىرىكتەۋ كەزىندە 300 ۇمىتكەر، ونىڭ ىشىندە مەملەكەتتىك قىزمەتكەرلەر، عىلىمي-پەداگوگيكالىق قىزمەتكەرلەر قۇجاتتارىن تاپسىردى. 29 مامىردان باستاپ بۇگىنگە دەيىن مەملەكەتتىك قىزمەتكەرلەر ساناتى بويىنشا 113 ۇمىتكەر قۇجاتتارىن تاپسىردى. 21-ءى ستيپەنديانت اتاندى، 11-ءى كونكۋرس كەزەڭدەرىنەن وتە المادى. قالعاندارى ىرىكتەۋ ۇستىندە»، – دەيدى مەيىرجان الپىسباي.

ونىڭ ايتۋىنشا، ستيپەنديانت اتانۋ كونكۋرسى التى تۋردان تۇرادى. اتاپ ايتقاندا، ءبىرىنشىسى ۋاجەدەمەلىك پەن ۇسىنىم حاتتارىن باعالاۋ، ەكىنشى تۋر شەت ءتىلىن ءبىلۋ دەڭگەيىن انىقتاۋ، ۇشىنشىدەن مەملەكەتتىك ءتىلدى ءبىلۋ دەڭگەيىن ايقىنداۋ، تورتىنشىدەن كەشەندى تەستىلەۋ، بەسىنشىدەن تاۋەلسىز ساراپتامالىق كوميسسيامەن اڭگىمەلەسۋ، التىنشىدان شەتەلدە كادرلاردى دايارلاۋ جونىندەگى رەسپۋبليكالىق كوميسسيانىڭ وتىرىسىندا ۇمىتكەرلەر كانديداتۋراسىن قاراستىرۋ بولىپ تابىلادى. ستيپەندياعا قۇجات تاپسىرعانداردىڭ اراسىندا وڭىرلىك اكىمدەردىڭ ورىنباسارلارى، كوميتەت توراعالارى، كەڭەسشىلەر مەن مەملەكەتتىك ورگاندار باسشىلارىنىڭ كومەكشىلەرى بار.

 

ۇقساس جاڭالىقتار

Back to top button