قىرعىزستان قازاقستانعا نارازىلىق نوتاسىن جولدادى

قىرعىزستاننىڭ ورتالىق سايلاۋ كوميسسياسى سايلاۋ الدىنداعى ۇگىت-ناسيحات ەرەجەسىنە ساي بابانوۆ پەن نازارباەۆتىڭ كەزدەسۋىنە باعا بەردى، دەپ حابارلايدى sputniknews.kz

پرەزيدەنتتىككە ۇمىتكەر ومۋربەك بابانوۆ پەن قازاقستان پرەزيدەنتى نۇرسۇلتان نازارباەۆتىڭ كەزدەسۋى تۋرالى اقپاراتتىڭ جاريالانۋىنا ورتالىق سايلاۋ كوميسسياسى تىيىم سالمايدى، دەپ حابارلادى وسك مۇشەسى كايرات وسموناليەۆ «ۆەچەرني بيشكەك» پورتالىنا.

قازاقستان پرەزيدەنتىنىڭ ءباسپاسوز قىزمەتى نۇرسۇلتان نازارباەۆ پەن قىرعىزستان پرەزيدەنتى ومۋربەك بابانوۆتىڭ كەزدەسۋى تۋرالى حابارلاماسىنان سوڭ ماسەلە كوتەرىلگەن بولاتىن.

جاڭالىق قازاقستاندىق جانە قىرعىزستاندىق باق-دا تارالىپ، قىرعىزستان سىرتقى ىستەر مينيسترلىگى قازاقستاندىق ءسىم-نە نارازىلىق نوتاسىن جولداعان.

«ء;بارىمىز نۇرسۇلتان نازارباەۆتى بىلەمىز، ونىڭ ۇمىتكەرلەردىڭ بىرىمەن كەزدەسۋىن جاستار اراسىندا جاسىرىن ۇگىت-ناسيحات رەتىندە پايدالانۋى مۇمكىن. ۇگىت-ناسيحات تۋرالى زاڭدا شەتەلدىك مەملەكەت باسشىلارىنىڭ سۋرەتىن ۇگىت-ناسيحات ماتەريالدارىندا پايدالانۋعا تىيىم سالىنعان. ياعني، ولار مۇنى ۇگىت-ناسيحات ماتەريالدارىندا پايدالاناتىن بولسا، البەتتە، بۇل زاڭدى بۇزادى. بىراق ماتەريال قازاقستاننىڭ رەسمي سايتىندا جاريالانىپ، قازاقستان باق-دا تارالدى، بۇل وسك قۇزىرەتىنە جاتپايدى، كىممەن كەزدەسىپ، نە جاريالايتىندارىن وزدەرى بىلەدى عوي. قولدانۋشىلار ماتەريالدى الەۋمەتتىك جەلىلەردە، توپتاردا تاراتقان، بۇعان دا تىيىم سالا المايمىز»، — دەپ پىكىر ءبىلدىردى وسموناليەۆ.

ورتالىق سايلاۋ كوميسسياسىنىڭ مالىمدەمەسىنە قاراماستان، قىرعىز تارابى بۇل كەزدەسۋدىڭ جاريالانۋىن قىرعىزستان حالقىنىڭ سايلاۋىنا اسەر ەتەدى دەپ ساناپ، قىرعىز رەسپۋبليكاسىنىڭ ىشكى ىستەرىنە ارالاسۋ رەتىندە باعالادى.

قىرعىزستاندا پرەزيدەنتتىك سايلاۋ 15 قازاندا وتەدى.

 

ۇقساس جاڭالىقتار

Back to top button