АҚШ Украинаның қорғаныс саласына 500 млн доллар бөледі

АҚШ сенаты 18 қыркүйекте қорғаныс саясаты туралы заң жобасын қолдады. Онда Украинаның қауіпсіздігі мен қорғанысы саласына 500 миллион доллар бөлу қарастырылған. "АҚШ-тың қорғаныс бюджетінде қарастырылған ақшаға жараланған украин әскерлерін америкаға емдетуге мүмкіндік туады. Сонымен бірге бұл қаржы еліміздің әскери-теңіз және әуе күштерін нығайтуға жұмсалады", – деп жазды Украина президенті Петр Порошенко Facebook парақшасына. Порошенконың сөздерінше, Украина әуе шабуылына қарсы қорғаныс құралдарын, суасты жағдайды бақылайтын құрылғылар мен әскери - теңіз техникаларын алады. Бірақ Украина алдымен бұл қаржының тек жартысын ғана алады. Америка қалған ақшаны қорғаныс саласына реформа жүргізгеннен кейін береміз деп отыр.