پرەزيدەنت جاڭا ءالىپبي ەنگىزۋگە قاتىستى پىكىر ءبىلدىردى

ەلباسى نۇرسۇلتان نازارباەۆ قازاقستاندا لاتىن ءالىپبيىن ەنگىزۋگە قاتىستى پىكىر ءبىلدىردى، دەپ حابارلايدى قازاقپارات. «لاتىنعا كوشۋ ءبارىن دە الاڭداتىپ وتىر. بۇل جايىندا كوپ ايتىلدى. ءبىزدىڭ عالىمدار مەنىڭ تاپسىرمامەن ۇزاق ۋاقىت جۇمىس ىستەپ، بارلىق تاريحتى قاراپ  شىقتى.

كورشىمىز وزبەكستان، تۇركيا قالاي ەنگىزگەندىگىن، ولاردىڭ تاجىريبەسىن قارادى. كومپيۋتەرگە بىردەن قويا سالۋ ءۇشىن ىلىك بولماۋ كەرەكتىگىن ايتتىم. نوقاتى، ءۇتىرى بار، تەك قازاق دىبىسىنا ءتان 8 ءارىپ بار. مىنە سولاردى ناقتىلاۋ قاجەت. بارلىق ماسەلە وسىندا»، – دەدى ەلباسى اقوردادا وتكەن وتاندىق جانە شەتەلدىك جۋرناليستەرمەن كەزدەسۋى بارىسىندا. وسى رەتتە مەملەكەت باسشىسى لاتىن ءالىپبيىن ەنگىزۋدى پارلامەنتتە  تالقىلاۋدى ۇسىنعانىن ايتتى. «ىمىرا بولعاندا، ءتىل ءبىلىمى ماماندارى مەن تاريحشىلار ورتاق كەلىسىمگە كەلگەندە مەن جاڭا ءالىپبي جايىندا جاريا ەتەمىن. بۇل ەرتەڭ وسى ءالىپبي قولدانىسقا ەنەدى دەگەندى بىلدىرمەيدى»، –  دەدى مەملەكەت باسشىسى. قازاقستان پرەزيدەنتى كيريليتسا دا ءوز قىزمەتىن جالعاستىرا بەرەتىندىگىن اتاپ ءوتتى. «كيريليتسامەن جازىپ، ورىس تىلىندە سويلەتىندەردىڭ الاڭداماۋلارىنا بولادى»، – دەپ اتاپ ءوتتى نۇرسۇلتان نازارباەۆ. سونىمەن قاتار قر پرەزيدەنتى 2022 جىلدان باستاپ 1 سىنىپ لاتىن الىپبيىمەن وقيتىندىعىن ايتتى. «مەنىڭشە، بۇل تەز وتەدى. ويتكەنى، بۇگىندە بارلىق بالالار اعىلشىن تىلىندە وقيدى. ال ول لاتىنشا. سىزدەر مەن بىزدەر ءۇشىن دە بۇل ۇلكەن پروبلەما بولماق ەمەس»، – دەدى ەلباسى. مەملەكەت باسشىسىنىڭ اتاپ وتۋىنشە، الەمدەگى اقپاراتتاردىڭ 70 پايىزى لاتىن ارىپىمەن تارالادى، عىلىمي-تەحنيكالىق پروگرەس دە وسى تىلدە باسىم جۇرۋدە. سونىمەن قاتار ەلباسى لاتىن الىپبيىنە كوشۋ جوباسى سوڭىنا دەيىن تىڭعىلىقتى دايىندالۋى كەرەكتىگىن ەسكەرتتى. «قازاق تىلىندە شش، يۋ، يا ارىپتەرى جوق. ياپونيانى قازاقتار جاپونيا دەيدى. «چ»، «يۋ»، «يا»، «»، «» بەلگىلەرى جوق. ياعني ءبىز وسى ارىپتەردى قولدانۋ ارقىلى ناعىز قازاق ءتىلىن بۇرمالادىق. سول سەبەپتى ەندى نەگىزى تىلگە كوشپەكپىز. بۇل بۇكىل مەملەكەت ءۇشىن ماڭىزدى شارا جانە وندا اعاتتىققا جول بەرۋگە بولمايدى»،-  دەدى نۇرسۇلتان نازارباەۆ.

ۇقساس جاڭالىقتار

Back to top button