لوندوندا نارازىلىق شەرۋى ءوتتى

لوندوندا ۇلىبريتانيانىڭ ەۋروپالىق وداقتان شىعۋىنا قارسى نارازىلىق شەرۋى ءوتتى، – دەپ حابارلايدى 24.kz ارناسى.

شاراعا ونداعان مىڭ ادام قاتىستى. ونىڭ اراسىندا ساياسي پارتيالاردىڭ وكىلدەرى مەن قوعام قايراتكەرلەرى بار. شەرۋشىلەر الدىمەن شاھارداعى گايد-پارككە جينالىپ، سودان كەيىن پارلامەنتكە بەت الدى. ويتكەنى اعىلشىن پارلامەنتى وتكەن بەيسەنبى كۇنى پرەمەر-مينيستر تەرەزا مەيگە ۇيىممەن كەلىسسوز جۇرگىزۋدە ەرەكشە وكىلەتتىك بەرۋ ماسەلەسىن تالقىلاۋعا كىرىسكەن بولاتىن.

الايدا شەرۋشىلەر قازىر وداقتان شىعۋدى قولداۋشىلاردىڭ سانى ازايعانىن ايتادى. بىراق بريتان ۇكىمەتى Brexit-ءتى قانداي قيىندىققا قاراماستان جۇزەگە اسىراتىنىن بىرنەشە مارتە مالىمدەدى.

ايتا كەتۋ كەرەك، ۇلىبريتانيا ەۋرووداقتى 2019 جىلى ناۋرىزدىڭ 29-ىندا تاستاپ شىعۋى ءتيىس.

 

ۇقساس جاڭالىقتار

Back to top button