رەسەي پەن قىتايعا كەزەكتى سانكتسيا بەلگىلەندى

ترامپ ۇكىمەتى رەسەي مەن قىتايعا جاڭا سانكتسيا ەنگىزدى. بۇنى اق ءۇي تارابى سولتۇستىك كورەيانىڭ يادرولىق قارۋدى جانە زىمىرانداردى زەرتتەۋ-دامىتۋ باعدارلاماسىن توقتاتۋدىڭ ءبىر تارماعى دەپ ءتۇسىندىردى. بۇل تۋرالى «The New York Times» باسىلىمىنا سىلتەمە جاساپ qazaqtimes حابارلادى.

قاتىستى مالىمەتتەرگە سۇيەنسەك، جاڭا سانكتسيا پيوڭياڭ (پحەنيان/Pyongyang) زىمىران جانە يادرولىق باعدارلاماسىمەن ەكونوميكالىق بايلانىسقا يە دەپ تابىلعان 6 جەكە تۇلعا مەن 10 ۇيىمعا قاراتىلدى.

وسىدان بۇرىن، اقش-تىڭ رەسەيگە باعىتالعان سانكتسيالارى قىتاي مەن تۇركياعا دا سالقىنىن تيگىزەتنى تۋرالى ايتىلعان ەدى. ال، اقش-تىڭ قارجى دەپارتامەنتى سولتۇستىك كورەيانىڭ زاڭسىز قارجى جىلىستاتۋ ىسىنە جانە زىمىران باعدارلامالارىنا قاتىستى تاسىمالداۋ جۇمىستارىنا قاتىسى بار دەگەن قىتايلىق تۇلعالارعا شەكتەۋ شارالارىن جاريا ەتكەن بولاتىن.

بۇل جولى رەسەي مەن قىتاي جەكە جانە ۇجىمدىق تۇلعالارىنا سالعان سانكتسيا، ءۇش ەل اراسىندا جاڭا ساياسي ويىندى قالىپتاستىرعالى تۇر. بۇل تاعى اقش-تىڭ حالىقارالىق ساياساتىنا قارسى قىتاي، سولتۇستىك كورەيا، رەسەي، تۇركيالاردىڭ وداقتاسۋىن جەدەلدەتۋى دە مۇمكىن.

 

ۇقساس جاڭالىقتار

Back to top button