ەلدەگى ينفراقۇرىلىمنىڭ دامۋىنا 10 ملرد دوللار جۇمسالماق

حالىقارالىق قارجى ۇيىمدارى قازاقستاننىڭ ينفراقۇرىلىمىنا 10 ملرد دوللاردان استام قارجى سالادى. بۇل تۋرالى قازاقستاننىڭ ينۆەستيتسيا جانە دامۋ ءمينيسترى اسەت يسەكەشەۆ قازاقستاندىق-ساۋد ارابيالىق بيزنەس-فورۋم كەزىندە مالىمدەدى. «بىزگە حالىقارالىق قارجىلاي ينستيتۋتتار، ونىڭ ىشىندە يسلامدىق دامۋ بانكى كومەكتەسىپ جاتىر. ولار بىرگە 10 ملرد دوللاردان استام قارجى ءبولدى.جاقىن ارادا جول قۇرىلىسى، ەنەرگەتيكا، ترانسپورت جانە باسقا دا ينفراقۇرىلىم تۇرلەرىنە ۇلكەن كولەمدەگى ينۆەستيتسيا تارتۋدى جوسپارلاپ وتىرمىز»، — دەپ اتاپ ءوتى ا.يسەكەشەۆ.

ونىڭ سوزىنشە، مۇناي-حيميا، حيميا، كەن-مەتاللۋرگتىق سفەرا، فارماتسەۆتيكا، اۋىل شارۋاشىلىعى، ازىق-ت ۇلىك ءوندىرىس سالالارىندا تۇراقتى سەرىكتەستىك تابۋعا بولادى. وسىعان دەيىن قازاقستان مەن ساۋد ارابياسى ورتاق جوبالاردى قارجىلاندىرۋ ءۇشىن قور نەمەسە بانك قۇرۋ تۋرالى جوسپارلارىن حابارلاعان ەدى. «ءبىزدىڭ ساۋد ارابيالىق بيزنەسمەندەرمەن يسلامدىق بانك نەمەسە قور قۇرۋ تۋرالى مينيسترلىكپەن كەلىسىمدەرىمىز بار. ەڭ ۇلكەن ارىپتەسىمىز — يسلامدىق دامۋ بانكى. بۇل قارجىلاي ۇيىم ساۋدا وپەراتسيالار مەن ينۆەستيتسيالىق جوبالاردى قارجىلاندىرادى»، — دەپ حابارلادى مينيستر.

ۇقساس جاڭالىقتار

Back to top button