ەلىمىزدە 900 مەديتسينالىق مەكەمە عالامتورعا قوسىلدى

ەلدەگى ءدارى-دارمەك باعاسىن قاتاڭ قاداعالاۋ ءۇشىن ۇكىمەت جاڭا زاڭ جوباسىن ازىرلەپ، پارلامەنتكە ۇسىنادى. بۇل سالادا اتقارىلاتىن ماڭىزدى مىندەتتەردى بۇگىن دەنساۋلىق ساقتاۋ ءمينيسترى ەلجان ءبىرتانوۆ ءمالىم ەتتى.

سونداي-اق ول دارىگەرلەردى قاعازباستىلىقتان ارىلتۋ جايى مەن مەديتسينالىق مەكەمەلەردى اقپاراتتىق جۇيەمەن قامتۋعا قاتىستى قام-قارەكەتتەرگە توقتالدى. ۇكىمەت مۇشەلەرى بۇگىن دەنساۋلىق ساقتاۋ ماسەلەسىنە ءمان بەرىپ، مەديتسينالىق مەكەمەلەردى كومپيۋتەرلىك تەحنيكامەن جابدىقتاۋ جايىن ءسوز ەتتى. ۆەدومستۆونىڭ جاۋاپتى وكىلى بۇل سالانى دامىتۋ كەزەك كۇتتىرمەيدى دەيدى. ءبىر عانا مىسال. سولتۇستىك قازاقستان، شىعىس قازاقستان، قوستاناي سىندى 7 وبلىستىڭ دارىگەرلەرى كەرەك-جاراققا قولى جەتپەي، قاعازباستىلىقتان ارىلا الماي كەلەدى.

ەلجان ءبىرتانوۆ، قر دەنساۋلىق ساقتاۋ ءمينيسترى:

– ەلەكتروندىق دەنساۋلىق پاسپورتى، ناۋقاستىڭ جەكە كابينەتى جانە دارىگەرلەردىڭ جەكە كابينەتى قۇرىلاتىن بولادى. ولاردى ەنگىزۋ ءۇشىن، ءاربىر مەديتسينالىق ۇيىم پاتسيەنتتەر تۋرالى دەرەكتەردى ۇسىنۋى ءۇشىن قاجەتتى كومپيۋتەرمەن جانە اقپاراتتىق جۇيەمەن قامتىلۋى ءتيىس.

 

ۇقساس جاڭالىقتار

Back to top button