223
Өзбекстан шетелге шығу визасын алып тастамақ
Өзбекстан шетелге шығу визасын алып тастамақ
Өзбекстанның сыртқы істер министрі Абдулазиз Камилов пен басқа да шенділер 8 шілдеде шетелге шығу визасын алып тастау мәселесін талқылады, деп хабарлайды centralasian.org.
Биыл қаңтар айында ел үкіметінің сайтында президент жарлығының жобасы жарияланған. Онда шетелге шығатын әрбір азамат міндетті түрде виза алу керектігі туралы ережені алып тастау туралы айтылған. Совет заманынан қалған ескі жүйе Өзбекстанда осы уақытқа дейін сақталған. Бұл жағдай ел азаматтарының сапарға шығуына кедергі келтіріп отыр.
Шетелге шығу визасын алып тастау туралы ұсынысты президент Шавкат Мирзияев айтқан. Сол арқылы ол Өзбекстанды әлемге ашық ел жасағысы келеді. Мирзияев билікке өткен жылы республиканың тұңғыш президенті Ислам Кәрімов өлімінен соң келді.
