پوليتسيا كاپيتانىن تاپتاپ ولتىرگەن جۇرگىزۋشى بوستاندىقتا ءجۇر

ەكولوگيالىق بەكەتتەگى ارنايى جاساق قىزمەتكەرىن تاپتاپ كەتكەن اندرەي بەدۋسەنكو ءالى بوستاندىقتا ءجۇر دەدى قاماۋدا وتىرعان ەسەنباەۆتىڭ تۋىستارى. بىراق بۇعان دەيىن ىشكى ىستەر دەپارتامەنتىنىڭ وكىلدەرى 1986 جىلعى كۇدىكتى بىردەن قاماۋعا الىندى دەپ اقپارات تاراتقان ەدى. انىعىندا پوليتسيا كاپيتانىن ولتىرگەن اندرەي اۋرۋحاناعا جاتىپ السا، ءاۋ باستاعى كۋاگەر بولعان ەكىنشى كامازدىڭ جۇرگىزۋشىسى سوت سانكتسياسىمەن بىردەن كۇدىكتىگە اينالىپ، ەكى ايعا قاماۋعا الىنىپتى. بۇل تۋرالى «الماتى» تەلەارناسى حابارلادى. 

اپاتتىق جاعداي تۋدىردى دەگەن كىنامەن  قامالعان 57 جاستاعى راحىمجان ەسەنباەۆتىڭ بالالارى بۇل ارەكەتكە كەلىسپەيتىندەرىن ايتىپ شاعىمداندى. ايتۋلارىنشا، تەرگەۋشى ەلۋباەۆ ءالى سوت ساراپتاماسى بولماعان دەگەن سىلتاۋمەن باستى كۇدىكتى بەدۋسەنكونى ءبىر اپتا وتسەدە قاماۋعا اسىعار ەمەس. ال، ەسەنباەۆتىڭ بالاسى اكەم جول پوليتسياسىنىڭ بۇيرىعىن تىڭدايمىن دەپ باسى داۋعا قالدى دەيدى.

«ادىلدىك. مەنىڭ اكەم ماكسيمۋم اپاتتىق جاعداي تۋدىردى. ول اكىمشىلىك جازا، جۇرگىزۋ كۋالىگىنەن ايىرسىن، ايىپپۇل سالسىن. 345 باپتىڭ 3-تارماعىنداعى ابايسىزدا ادام ءولتىردى دەگەن. ال اكەم ادام ولتىرگەن جوق. ارى كەتكەندە توقتايمىن دەپ ەكىنشى كولىكتى قىستى»،- دەدى ر.ەسەنباەۆتىڭ ۇلى، رامازان ەسەنباەۆ.

تەرگەۋشىلەر تەك جارتىسىن عانا قيىپ بەرگەن كورىنىستە اپاتقا دەيىنگى وقيعا كورىنەدى. ەسەنباەۆتىڭ ادۆوكاتى اپاتتىڭ ورىن الۋىنا ءدال وسى ورتا جولدا كەلە جاتقان كامازدى توقتاتپاق بولعان، جول پاترۋلدىك پوليتسياسى قىزمەتكەرىنىڭ دە قاتىسى بار دەيدى. ويتكەنى ول جۇمىسىن سوڭىنا دەيىن اياقتاماعان. سالدارىنان الماتى وبلىسىنان شىمكەنتكە جۇك اكەتىپ بارا جاتقان ەسەنباەۆ تا كۇتپەگەن جەردەن كىنالى بولىپ شىقتى دەدى جابىرلەنۋشى تاراپ وكىلدەرى. ال بۇل شاعىمعا قاتىستى قالالىق ىشكى ىستەر دەپارتامەنتىنىڭ وكىلدەرى قاندايدا ءبىر سۇحبات بەرۋدەن باس تارتتى.

«ادامدى قاعىپ ولتىرگەن ادام يۆس-قا جىبەرىلدى، قاماۋدا دەپ جالعان اقپارات بەرىپ وتىر حالىققا. ال ەندى مىناۋ ەسەنباەۆتىڭ بالا-شاعاسى، سەمياسى جىلاپ-ەڭىرەپ ءجۇر. ونى قاقپاعان ادام قالاي تۇرمەگە جاتادى؟ ونى نەعىپ سانكتسيالايدى؟ ءالى ءبىر ەكسپەرتيزا، جەتى كۇن بولدى ءبىر ەكسپەرتيزا جۇرگىزگەن جوق»،- دەدى ر. ەسەنباەۆتىڭ قورعاۋشىسى، باقىتجامال قازىبەكوۆا.

 

ۇقساس جاڭالىقتار

Back to top button