Ашық аспан астында кітапхана жұмыс істеп тұр

Петропавлда жазғы оқу залы ашылды. Енді қала тұрғындары қалаған кітабын таза ауада тыныстап отырып оқи алады. Бұдан бөлек, оқырмандарға түрлі газет-журналдар ұсынылған деп хабарлайды Хабар24. Сонымен қатар «Мобильдік кітапхана» жобасы іске қосылды. Тұрғындар кейбір әдеби туындының электрондық нұсқасын ұялы телефондарына жүктей алады. Күніне мұнда 100-ден астам адам келеді. Оқу залында балаларға да көңіл бөлінген. «Бүлдіршіндер арнайы бұрышта ойын ойнап, теледидар тамашалай алады», – дейді қызметкерлер. Ал аспан астындағы кітапхана қыркүйек айына дейін жұмыс істейді. Қайыржан Мәлікова, Сәбит Мұқанов атындағы облыстық әмбебап ғылыми кітапханасының қызметкері: - Бізде сонымен қатар «Буккроссинг» жобасы қолға алынды. Яғни оқырмандарымыз өздерінің кітаптарын әкеліп, біздің осында алаңға қойылған кітаптардың ішінен ұнағанын орнына ауыстырып алуына болады.  

Серіктес жаңалықтары