Бақыт Сұлтанов "ҚазАгро" ҰБХ" АҚ директорлар кеңесінің мүшесі болды

Қаржы министрі Бақыт Сұлтанов "ҚазАгро" Ұлттық басқарушы холдингі" АҚ директорлар кеңесінің мүшесі болып сайланды, - делінген KASE биржасының сайтында.  ҚР Ауыл шаруашылығы министрлігі жалғыз акционер ретінде 2017 жылы 27 маусымда шешім қабылдады. Директорлар кеңесінің төрағасы - ҚР премьер-министрінің орынбасары, ауыл шаруашылығы министрі Асқар Мырзахметов, ал кеңес мүшелігіне: ауыл шаруашылығы министрлігінің бірінші вице-министрі Қайрат Айтуғанов, ұлттық экономика министрі Тимур Сүлейменов, "Қазақстан даму банкі" АҚ басқарма төрағасы Болат Жәмішев және "ҚазАгро" холдингі" АҚ басқарма төрағасы Нұрлыбек Мәлелов. Тәуелсіз директорлар құрамында Жанна Егімбаева, Асқар Елемесов, Ораз Жандосов және Нұржан Әлтаев бар.

Серіктес жаңалықтары