وڭتۇستىك كورەيا 2018 جىلعى وليمپيادا ويىندارىنىڭ ءبىر بولىگىن كحدر-دا وتكىزۋدى ۇسىندى

2018 جىلعى وليمپيادا ويىندارىنىڭ ءبىر بولىگى كحدر اۋماعىندا ءوتۋى مۇمكىن. وڭتۇستىك كورەيانىڭ سپورت ءمينيسترى تو چجون حۆان سپورت جارىستارىن بىرگە وتكىزۋ ارقىلى ەكى ەل اراسىنداعى ساياسي شيەلەنىستى بولدىرماۋعا مۇمكىندىك جاسايتىنىن مالىمدەدى، – دەپ جازادى ۇلىبريتانيالىق The Guardian باسىلىمى.

باسىلىمنىڭ مالىمەتىنشە، مۇندا سولتۇستىك كورەياداعى ماسيكريۋن كۋرورتىنداعى ءبىرىنشى كلاستاعى تاۋ شاڭعى سپورتى تۋرالى ايتىلىپ جاتىر. تو چجون حۆان تاۋ شاڭعى سپورتىن وسى كۋرورتتا وتكىزىپ، جوسپارلارى جايلى سولتۇستىك كورەيا دەلەگاتى چان ۆۋن مەن حالىقارالىق وليمپيادا كوميتەتىنىڭ وكىلدەرىمەن تالقىلاماقشى.

سونداي-اق، وڭتۇستىك كورەيانىڭ سپورت ءمينيسترى حوككەيدەن ايەلدەر اراسىندا وڭتۇستىك جانە سولتۇستىك كورەيا قۇراماسىن بىرىكتىرىپ، پحەنچحاندا وتەتىن ويىندارعا قاتىسۋدى ۇسىندى. ەسكە سالا كەتەيىك، 2018 جىلدىڭ 9-25 اقپان ارالىعىندا پحەنچحاندا XXIII قىسقى وليمپيادا ويىندارى وتەدى.

ۇقساس جاڭالىقتار

Back to top button