Reina تۇنگى كلۋبىندا تەراكت جاساعان لاڭكەس 2397 جىلعا سوتتالۋى مۇمكىن

ستامبۇل پروكۋراتۋراسىنىڭ وكىلى Reina تۇنگى كلۋبىندا تەراكت جاساعان ابدۋلقادىر ماشاريپوۆكە 40 ومىرلىك جازا مەن 2397 جىل تۇرمە جازاسىن سۇرادى. بۇل تۋرالى  Sabah تۇرىك باسىلىمىنا سىلتەمە جاساپ ورتالىق ازيانىڭ جاڭالىقتار قىزمەتى حابارلادى. 

بۇعان دەيىن ماشاريپوۆ سوتتان ءوزىن ءولىم جازاسىنا كەسۋىن سۇراعان ەدى، بىراق تۇركيادا ءولىم جازاسىنا تىيىم سالىنعان.

ءماشاريپوۆتى «كونستيتۋتسيالىق قۇرىلىمدى قۇلاتۋعا تالپىندى»، تەررورلىق اكت جاسادى، كوپتەگەن ادامدى ءولتىردى، قارۋدى زاڭسىز ساقتادى دەپ ايىپتادى.

تەرگەۋ كەزىندە ماشاريپوۆ كىناسىن مويىنداعان. باستاپقىدا ول ستامبۋلدىق «تاكسيم» الاڭىندا تەراكت جاساۋدى جوسپارلاعانىن ايتتى. بىراق الاڭدا قاۋىپسىزدىك شارالارى كۇشەيتىلگەن سوڭ، ول Reina تۇنگى كلۋبىنا شابۋىلداعان. تەراكت سالدارىنان 40 ادام قازا تاپتى، 70-ءى جارالاندى.

ماشاريپوۆ بىرنەشە اپتادان سوڭ ستامبۋلدىڭ ەسەنيۋرت اۋدانىندا ۇستالدى. ونىڭ پاتەرىنەن ەكى تاپانشا، 197 مىڭ دوللار، درون جانە SIM-كارتالار تابىلعان. تۇرىك پوليتسياسىنىڭ مالىمەتى بويىنشا، بۇل قاراجاتتى ماشاريپوۆكە ستامبۋلداعى شابۋىل ءۇشىن تولەگەن بولۋى كەرەك.

ۇقساس جاڭالىقتار

Back to top button