Instagram جەلىسىندە تاعى ءبىر فۋنكتسيا پايدا بولدى

 Instagram سەرۆيسى قولدانۋشىلارعا سۋرەتتەردى سايتتىڭ موبيل نۇسقاسى ارقىلى جاريالاۋعا مۇمكىندىك بەردى، – دەپ حابارلايدى TechCrunch. ال بۇعان دەيىن تەك رەسمي قوسىمشا ارقىلى عانا سۋرەت جاريالاۋ مۇمكىن بولعان.

ەندى ءىnstagram.com سايتىنىڭ موبيل نۇسقاسىندا سۋرەتكە ءتۇسىرىپ، سۋرەتتىڭ ءوزىن نەمەسە بىرنەشە سۋرەتتى جاريالاۋعا بولادى. الايدا قولدانۋشىعا فيلترلەر جانە كەڭەيتىلگەن وڭدەۋ فۋنكتسيالارى ءالى دە مۇمكىن بولماي وتىر – ازىرشە تەك سۋرەتتى اينالدىرۋ جانە ونىڭ فورماتىن تاڭداۋ مۇمكىندىگى بار. ۆيدەونى دا تەك قوسىمشا ارقىلى جۇكتەي الاسىز.

Instagram سىرتقى ءتۇرى وزگەرىسسىز قالدى: لەنتانى پاراقتاۋعا بولادى، ەسكەرتپەلەردى جانە قولدانۋشىلاردىڭ ءپروفيلىن كورۋگە بولادى. سايتتا «وقيعا تىزبەگى» جانە جەكە حابارلامالار ءبولىمى جوق.

TechCrunch مالىمەتىنشە، كومپانيا جاڭارعان ۆەب-نۇسقانى 2017 جىلدىڭ ناۋرىزىنان بەرى سىناپ كەلەدى ەكەن.

Instagram وكىلدەرى باسىلىمعا بەرگەن سۇحباتىندا سايتتىڭ جاڭا نۇسقاسى قولدانۋشىلاردىڭ بارلىق قۇرىلعىدان سۋرەت كورۋى ءۇشىن جاسالعانىن ايتىپ بەردى. سونىمەن قاتار، ينتەرنەت جىلدامدىعى باياۋ ەلدەردە دۇكەننەن قوسىمشانى جۇكتەي المايتىندار ءۇشىن دە قولايلى ەكەنى ايتىلادى.

 

ۇقساس جاڭالىقتار

Back to top button