Қарағанды қаласы Қазыбек би ауданындағы Степной-1 шағын ауданында 2017 жылы туған баланың басы мектеп алаңындағы спорт кортының металл қоршауына қысылып қалды, деп хабарлайды turkystan.kz.
Құтқарушылар гидравликалық құралдың көмегімен металл қоршауды кеңейтіп, баланы босатты.
Бала зардап шеккен жоқ, медициналық көмек қажет болмады.
ТЖМ ата-аналарды балаларға қауіпсіздік ережелерін үнемі ескертіп, спорт және ойын алаңдарында ойнау кезінде оларды қараусыз қалдырмауға шақырады.
