Танымал актриса Жұлдыз Әбдікәрімова әлеуметтік желідегі парақшасында актерлік өнердің ерекшелігі мен адамның өзін тануы туралы жазба жариялады, деп хабарлайды turkystan.kz.
Өнер иесінің айтуынша, актрисаның өмірі – сан түрлі тағдыр мен әр алуан кейіпкер тоғысатын күрделі әлем. Ол бір ғана ғұмырында бірнеше адамның болмысын сезініп, түрлі мінезді, әртүрлі тағдырды сахнада немесе экранда шынайы жеткізуге тырысады.
"Актрисаның өмірі – мың алуан тағдырдың тоғысқан жері. Бір өмірде мың кейіпкерді сомдайсың. Мың түрлі эмоцияны бастан кешіресің. Бірде қуанып, бірде мұңаясың. Бірде күресіп, бірде жеңілесің. Бірақ сол кейіпкерлердің арасында ең маңыздысы – өзің екеніңді ұмытпау. Өмірдегі өз рөліңді, өз болмысыңды жоғалтып алмай, жүрегіңді тыңдап, сезіміңді аялау – ең үлкен өнер. "Өзгені мың рет танығаннан гөрі, өзіңді бір рет танығаның маңызды" – Сократ. Кейіпкерлер өзгереді. Ал өзіңе деген адалдық мәңгі қалуы керек", – деп жазды Жұлдыз Әбдікәрімова.
