АҚШ президенті Дональд Трамп Иранның "жаңа басшылығы" Вашингтоннан атысты тоқтатуды сұрағанын мәлімдеді, деп хабарлайды turkystan.kz.
Америкалық көшбасшының айтуынша, бұған дейін Иран Ормуз бұғазындағы кедергіні алып тастап, оны "ашық әрі қауіпсіз" етуі тиіс.
Дональд Трамп бұл туралы Truth Social әлеуметтік желісінде жазба жариялады.
"Осыған дейін біз Иранды толық жойғанға дейін немесе олардың сөзімен айтқанда "тас дәуіріне қайтарғанға дейін" күйретуді жалғастырамыз", – деп жазды ол.
30 наурызда Трамп Ирандағы "жаңа әрі анағұрлым байыпты" режиммен атысты тоқтату мәселесі бойынша келіссөздер жүргізіліп жатқанын мәлімдеген болатын. Оның айтуынша, тараптар белгілі бір ымыраға келген.
Сонымен қатар АҚШ президенті келісімге қол жеткізілмеген жағдайда Иранға қарсы қатаң шаралар қолданылатынын айтып, электр станцияларын "толық жоюмен" қорқытты.
Алайда келіссөздердің нақты кімдермен жүргізіліп жатқаны туралы ресми ақпарат берілмеді.
Өз кезегінде Иран тарапы келіссөздерге тек белгілі бір шарттар орындалған жағдайда ғана дайын екенін мәлімдеген. Олардың қатарында әскери әрекеттердің қайта басталмауына кепілдік беру және өтемақы төлеу талаптары бар.
