Ақпан айының алғашқы үш аптасында Өскемен қаласының травмпунктіне 1 595 науқас жүгінген, деп хабарлайды turkystan.kz.
Облыстық Денсаулық сақтау басқармасының мәліметінше, жарақат алғандардың басым бөлігі – 1 181 адам – қала көшелерінде жарақаттанған. 396 тұрмыстық жарақат және 18 жол-көлік оқиғасына байланысты жарақат тіркелген.
Сондай-ақ 1–22 ақпан аралығында ит қапқан 37, мысық тістеген 11 және егеуқұйрық шаққан 3 жағдай тіркелді.
Осы кезеңде түрлі жарақаттармен барлығы 72 адам ауруханаға жатқызылды.
