Журнлаист Дина Төлепберген әлеуметтік желіде күйеуіне қатысты жазба жариялап, қуанышты жаңалығын бөлісті, деп хабарлайды turkystan.kz.
"Өткен аптада мен күйеуімді үйден «қуып жібердім». Шынымен. «Алаңдамай дайындал. Тапсыра алмасаң, келмей-ақ қой», — дедім. Әрине, бұл әзіл мен шындықтың арасы еді. Сырттай сабыр сақтауға ұмтылғаныммен, іштей екеуміз де алаңдап жүрдік, әрине. Өйткені IELTS - жай емтихан емес. Шүкір, тілді толығымен «ұмытпапты». Абыроймен 7.0 балл алып шықты. Бұл - жақсы нәтиже. Бірақ Мараттың шегі емес. Мен оны анық білемін. Ендігі кезек менде. Дайындалып жүрмін. Сондықтан емтиханнан кейін күйеуімді «қалай, не болды?» деп сұрақтың астына алдым", - деп жазды ол.
Сонымен қатар журналист 42 жаста болса да жолдасы екеуінің студент сияқты жүргендерін айтқан.
"Қайтадан үйреніп жатырмыз. Қайтадан өзімізге жаңа мақсат қойып жатырмыз. Егер ізденсең - миың да, өмірің де жасарады екен. Күшті жаңалықтардың алдында тұрған сияқтымыз…", - деді Д. Төлепберген.
