Алматыдағы Алатау кентінде жануарға қатыгездік көрсетуге қатысты қоғамда үлкен резонанс тудырған оқиға болды, деп хабарлайды turkystan.kz.
Итті көлікке байлап, жол бойымен сүйретіп кеткен. Бұл туралы жергілікті тұрғындар хабарлаған.
Әлеуметтік желілерде тараған видеода жануарды қорлаудың салдары көрсетілген сәт түсірілген. Куәгер Екатеринаның айтуынша, оқиға «Радуга» шағынауданынан «Алма» саяжайлары бағытына қарай өтетін жолда болған. Алда Suzuki автокөлігі жүрген, оған шынжырмен ит байланып қалған. Артынан Chery маркалы көлік келе жатқан, рөлде жануардың иесі болған. Куәгерлердің айтуынша, әйел болып жатқан жағдайды көрсе де, қозғалысты тоқтатпаған.
«Бұл жағдайды алғаш болып жергілікті тұрғын байқап қалған. Ол көліктердің соңынан қуып жетіп, Suzuki-дің жолын кесіп, жүргізушіні тоқтауға мәжбүр еткен. Содан кейін полиция шақырған», — делінген хабарламада.
Құқық қорғау органдары оқиға орнына келіп, болған жайтты тіркеп, арызды қабылдаған. Итті тексеру және ықтимал жарақаттарын анықтап, тіркеу үшін ветеринарлық клиникаға жеткізген. Алдын ала ақпарат бойынша, жануар мамандардың бақылауында қалады және иелеріне қайтарылмайды.
Іс материалдары қалалық полиция басқармасына жолданған. Оқиға туралы профильдік қызметтер мен әкімдікке де хабарланған. Қазіргі уақытта ит тірі және қауіпсіз жерде.
