Ресейден Түркияға бидай алып бара жатқан кеме Қара теңізде апатқа ұшырады

Түрік компаниясына тиесілі «Герои Арсенала» жүк кемесі Қара теңізде апатқа ұшырап, борттағы 12 адамның жетеуі із-түзсіз жоғалып кетті, деп хабарлайды 24.kz

Мамандар қазірге дейін 5 теңізшіні құтқарған. Алайда олардың халі мүшкіл. Кемеде екі Ресей, тоғыз Украина және бір Грузия азаматы болған. Олар Ресейдің Ростов облысынан Түркияға бидай тиеп апара жатқан.

Осы елдің Төтенше жағдай жөніндегі министрлігінің мәлімдеуінше, іздестіру-құтқару операциясын жүзеге асыруға теңіз бетіндегі жылдамдығы секундына 20 метрге жететін жел кедергі болып тұр.

Back to top button