Алдағы күндері, яғни 21–23 қаңтар аралығында Қазақстанның ірі қалаларында жауын-шашын түсіп, ауа температурасы төмендейді, деп хабарлайды turkystan.kz.
Астанада ауа райы құбылмалы бұлтты болады, кей уақытта қар жауып, жаяу бұрқасын күтіледі. 21 қаңтарда түнде ауа температурасы −18…−20 °C, күндіз −14…−16 °C болады. 22 қаңтарда түнде −22…−24 °C-қа дейін суытып, күндіз −16…−18 °C сақталады. 23 қаңтарда қар жауып, төменгі бұрқасын болады, түнде −25…−27 °C, күндіз −20…−22 °C күтіледі. Жел солтүстік-шығыстан 9–14 м/с.
Алматыда 21 қаңтарда жауын-шашын болмайды, түнде және таңертең тұман түсіп, жолдарда көктайғақ болуы мүмкін. Ауа температурасы түнде −11…−13 °C, күндіз −3…−5 °C. 22 қаңтар кешке қарай қар жауып, жел күшейіп, екпіні 15 м/с-қа дейін жетеді. 23 қаңтарда кей уақытта қар жауады, түнде −5…−7 °C, күндіз −3…−5 °C.
Шымкентте 21 қаңтарда күннің соңына қарай жаңбыр мен қар түріндегі жауын-шашын күтіледі, тұман болуы мүмкін, жел екпіні 20 м/с-қа дейін жетеді. Ауа температурасы түнде −4…−6 °C, күндіз +3…+5 °C. 22 қаңтарда жауын-шашын, кей уақытта қатты, көктайғақ пен тұман күтіледі, температура шамамен 0…−2 °C. 23 қаңтарда қайтадан қар жауып, ауа температурасы түнде −6…−8 °C-қа, күндіз −3…−5 °C-қа дейін төмендейді.
Синоптиктер ауа райының нашарлауы мүмкін екенін ескертіп, жүргізушілер мен жаяу жүргіншілерге қауіпсіздік шараларын сақтауды ұсынады.
