Оқиға Алматы облысының Еңбекшіқазақ ауданына қарасты Ақши ауылының маңындағы жолға жақын жерде болған, деп хабарлайды turkystan.kz.
Бұл жайында желі қолданушылары дабыл қақты. Қатыгездікпен жасалған қылмыс орнында жатқан тері-терсек пен жылқының бастары және сирақтары түсірілген видеоны әлеуметтік желіде КТК телеарнасының журналисі Диас Нұрақын жариялады.
"Обал-сауапты білмейтін оңбағандар! Алматы облысында ұрылар жылқыны жолдың бойында сойып әкетіп жатыр. Үш күн бұрын Еңбекшіқазақ ауданында екі үйір жылқыны жауыздар бытырамен атып, құлағанын сойып әкетіпті. Бас-сирағын, ішек-қарнын жол бойына жайратып тастап кеткен. Тіпті кейбірінің сүрпі еттерін сылып алып, сүйек-саяғын лақтырып тастаған. Әшейінде шемішке шағып, түкіргендерді тауып алатын камералар осындайда көр соқыр болып қалады. Алматы-Қорғас ақылы жолындағы тізілген камералар түк көрмеген бе сонда? Полиция да тым сылбыр дейді мал иесі. Ұрылар ұсталмайды дегенге ставка қабылдаймын. Қане, кім бәстеседі менімен!", - деп жазды ол.
