Жыл басынан бері Атырау облысының негізгі әлеуметтік-экономикалық көрсеткіштері бойынша оң өзгерістер қалыптасты. Бұл туралы ОКҚ алаңында өңір әкімі Серік Шәпкенов мәлімдеді, деп хабарлайды turkystan.kz.
Оның айтуынша, өңірдің дамуының басты экономикалық драйвері – мұнай-газ саласы. Бүгінде құны 10,7 млрд долларды құрайтын үш ірі зәкірлі инвестициялық жоба жүзеге асырылуда.
«Бұдан бөлек, құны 104 млрд теңге болатын 20 инвестициялық жоба іске асырылуда, нәтижесінде 1 320 жаңа жұмыс орны ашылады», - деді спикер баспасөз конференциясы барысында.
Агроөнеркәсіп кешенінде 116,8 млрд теңгенің өнімі өндірілді. Өңірдің мал шаруашылығында да өсім бар.
