Бахрейнде өткен III жасөспірімдер арасындағы Азия ойындарында ерлер арасындағы диск лақтыру жарысының финалында Максим Сажнев 63,23 метр нәтижемен алтын медаль жеңіп алды.
Бұған дейін шымкенттік спортшы U-18 санатында Қазақстан рекордын жаңартып, 38 жыл бойы жаңаланбаған Виктор Горелышевтың жетістігін артта қалдырған еді.
Сол кезде Максим дискіні 59,71 метрге дейін лақтырып, жаңа ұлттық рекорд орнатқан болатын.
