Nike Project Amplify атты алғашқы powered-footwear жүйесін таныстырды. Роботтандырылған девайс балтыр мен тобықтың табиғи қимылын «күшейтіп», күнделікті жүріс пен баяу жүгіруді аз күшпен әрі ұзаққа жалғастыруға көмектеседі. Жоба Dephy робототехника серіктестігімен әзірленіп жатыр, коммерциялық шығарылым бірнеше жылдың ішінде жоспарлануда, деп хабарлайды turkystan.kz nike.com-ға сілтеме жасап.
Жүйе жеңіл мотордан, жетек белбеуден және қайта зарядталатын манжет-аккумулятордан тұрады. Олар көміртек табақты жүгіру аяқкиімімен интеграцияланады, құрылғысыз да кие беруге болады. Nike Sport Research Lab мәліметтеріне сүйенген қозғалыс алгоритмдері пайдаланушының қадамын «екінші бұлшықет» сияқты демеп, 10-12 мин/миля қарқын диапазонындағы жүру мен жүгірісті жеңілдетуге бағытталған.
Nike бірнеше жыл бойы дала жағдайында және зертханада сынақ жүргізгенін айтады: 400-ден астам қатысушы 2,4 млн қадам жапқан, аппараттың кемі 9 нұсқасы қайталанып жетілдірілген. Пайдаланушылардың бір бөлігі «өткелді немесе өрді тегіс жолдай сездіретін» әсерді байқаған.
Amplify спорттық рекорд қуатындарға емес, «күніне көбірек қадам жасап, тағы бір-екі миль қосқысы келетін» әуесқойларға бағытталған. Nike мұны «аяққа арналған е-bike» аналогиясымен түсіндіреді. Компания бұл айда тағы бірнеше технологиялық жаңалықтарын қатар жариялады.
Құрылғы әлі сынақтан өтіп жатыр. Нақты баға мен нарыққа шығатын күн кейін хабарланады.
