Павлодар облысында Lexus жүргізушісі жолдан шығып кетіп, оқиға орнында қаза тапты, деп хабарлайды turkystan.kz.
Павлодар облыстық полиция департаментінің мәліметінше, жол-көлік оқиғасы 16 қазан күні түнде Баянауыл ауданында болған.
«Алдын ала деректер бойынша, Lexus RX 330 көлігінің жүргізушісі рөлге ие бола алмай, Қалқаман – Керней трассасының бойында, Бірлік ауылына жақын маңда жол жиегіне ұшып кеткен», — деп хабарлады полиция.
Қайғылы оқиғаның мән-жайы мен себептері анықталып жатыр. Жол-көлік оқиғасы бойынша қылмыстық іс қозғалды.
