Қазақстан сейсмологтары көршілес Қырғызстан аумағында болған жер сілкінісін тіркеді, деп хабарлайды turkystan.kz.
Қазақстанның Ұлттық ядролық орталығы Геофизикалық зерттеулер институтының ұлттық деректер орталығы 2025 жылдың 14 қазанында, Астана уақытымен 12:17-де жер сілкінісін тіркеген.
Жер сілкінісінің эпицентрі Қырғызстан аумағында орналасқан. Магнитудасы – 4, энергетикалық класы – 9,3.
Қырғыз Республикасы Ұлттық ғылым академиясы Сейсмология институтының мәліметінше, жер сілкінісінің ошағы Таш-Дөбө ауылынан солтүстік-шығысқа қарай 27 шақырым, Қара-Мойнок ауылынан солтүстік-батысқа қарай 34 шақырым, Бішкек қаласынан оңтүстік-шығысқа қарай 70 шақырым жерде орналасқан.
Қырғызстанның елді мекендерінде жер сілкінісінің қарқындылығы: Қара-Мойнок, Таш-Дөбө және Дон-Алыш ауылдарында – 2,5 баллды құрады.
