Қазақстандық медиакомпания танымал актер Джеки Чанның Алматыға сапарының егжей-тегжейін ресми түрде жариялады, деп хабарлайды Turkystan.kz.
Медиакомпанияның мәліметінше, әлемдік кино аңызының қатысуымен Қазақстанда әйгілі “Құдайдың сауыттары”фильмінің жаңа бөлігі түсіріледі.
«Біз Джеки Чанның Алматыға келген резонансты сапарының мән-жайын ресми түрде ашамыз. Бұл культтік франшизаның жаңа фильмі — “Құдайдың сауыттары: Ультиматум” жобасына байланысты», — делінген компания хабарламасында.
Актердің қатысуымен Қазақстанда миллиондаған көрерменнің сүйіспеншілігіне ие болған әйгілі киноэпопеяның төртінші бөлігі түсірілетіні атап өтілді.
