Футболдан Қазақстан ұлттық құрамасы Асхат Тағыбергенді төртінші рет сәбилі болуымен құттықтады, деп хабарлайды turkystan.kz.
«Асхат Тағыберген мен жұбайы Махаббатты отбасындағы үлкен қуаныштарымен – төртінші перзентінің дүниеге келуімен шын жүректен құттықтаймыз!
Ұлттық құраманың бұрынғы капитаны, «Тобылдың» қазіргі ойыншысы үшін бұл сәт – әкелік бақыттың тағы бір шуағы.
Жаңа туған сәбидің бауы берік болып, ғұмыры ұзақ, өмірі шаттық пен берекеге толы болсын!», – делінген хабарламада.
Еске сала кетейік, Асхат Тағыберген – ұлттық құраманың бұрынғы капитаны, тәжірибелі жартылай қорғаушы. Ол бірнеше жыл бойы Қазақстан атынан халықаралық алаңда өнер көрсетіп, түрлі турнирлерде командаға жетекшілік еткен.
