Блогер Нұрбек Нұртаза Instagram-да заңсыз лотерея ұйымдастырғаны үшін 1,1 миллион теңгеге айыппұл салынды, деп хабарлайды turkystan.kz.
Алматы қаласы бойынша Экономикалық тергеу департаменті Сауда және спорт министрлігінің ойын бизнесі мен лотереяны реттеу комитетіне хат жолдады. Себебі — Instagram-дағы Justking31 аккаунтында заңсыз лотереяның ұйымдастырылуы. Аталған аккаунт блогер Нұрбек Нұртазаға тиесілі.
"Белгілі болғандай, Justking31 парақшасында күн сайын Алматыдағы екі қабатты үй, сондай-ақ ақша мен смартфондар ойнатылған. Ұтыс ойынына қатысу үшін ТОО Oilan Lab-қа тиесілі оқыту курстары үшін 29 990 теңге төлеу қажет болған. Жеңімпазды таңдау барысында "Поле чудес" жабдығы пайдаланылған, мұнда жеңімпазды анықтауда кездейсоқтық элементі бар", – делінген министрліктің хабарламасында.
Аккаунт иесіне лотерея және лотерея қызметі туралы заңнаманы бұзғаны үшін әкімшілік құқықбұзушылық хаттамасы толтырылды. Блогерге 300 АЕК (2025 жылы 1 179 600 теңге) көлемінде айыппұл салынды.
