"Қайрат" футбол клубы "Реал Мадридпен" ойынның билетіне қатысты мәлімдеме жасады.
"Әлеуметтік желіде таралып жатқан "Қайрат" — "Реал Мадрид" чемпиондар лигасы матчының билетін сату немесе алдын ала брондау жайлы ақпарат — шындыққа жанаспайтын, жаңсақ хабарлама", - делінген мәлімдемеде.
Билетке қатысты ресми дереккөз — клубтың ресми сайты мен "Қайрат" ФК-ның әлеуметтік желідегі ресми парақшалары.
Қазіргі уақытта билеттің сатылымға шығу күні мен бағасы бекітілген жоқ.
"Жанкүйерлерден бөгде хабарландыруларға сенбеуін және билетті бейресми арналар арқылы сатып алмауын қатаң түрде сұраймыз", - деп хабарлады клуб.
"Қайрат" пен "Реал" арасындағы ойын Алматыда 30 қыркүйекте өтеді.
