Әлемнің беделді спорт пабликтері алматылық «Қайрат» командасының Чемпиондар лигасының топтық кезеңде қанша шақырым жол жүретінін есептеп, Чемпиондар лигасында ерекше рекорд орнатпақ деп жарыса жазуда.
Жеребе қорытындысы бойынша Чемпиондар лигасының топтық кезеңінде алматылық «Қайрат» өз алаңында «Реал Мадрид» (Испания), «Олимпиакос» (Грекия), «Брюгге» (Бельгия), «Пафос» (Кипр) командаларымен ойнайды.
Ал сырт алаңда «Спортинг» (Португалия), «Арсенал» (Ұлыбритания), «Интер» (Италия), «Копенгаген» (Дания) клубтарымен кездеседі.
The Sweeper аккаунты «Қайрат» ойыншылары Милан, Лондон, Лиссабон мен Копенгагенде өтетін ойындарға жалпы ұзындығы 44 982 километр жол жүретінін естептеді. Экватор ұзындығының 40 075 км екенін ескерсек, алматылықтар жер жүзін айналмақ.
Ең таң қаларлығы, «Қайрат» Чемпиондар лигасы тарихындағы ең ұзақ сапарды еңсермек. Бұған дейін ешбір команда мұндай ұзақ сапарға шықпаған. Алматы мен Лиссабонның арақашықтығы – 7 000 шақырым (тек бір жағы ғана). Алматылықтар 12 сағатын ұшақта өткізбек. Осылайша, «Қайрат» Чемпиондар лигасы тарихындағы клубтар жасаған ең ұзақ сапарды еңсермек.
