АҚШ-тың Оңтүстік Каролина штатында 12 жастағы бала суға шомылып жүріп сирек кездесетін және өте қауіпті амеба Naegleria fowleri-ге тап болған. Бұл микроорганизм жылы тұщы су қоймаларында кездеседі және миды зақымдап, өлімге әкелетін инфекция тудырады, оны кейде "миды жеп қоятын амеба" деп те атайды, деп хабарлайды turkystan.kz medicalxpress.com-ға сілтеме жасап.
Бала суға шомылғаннан кейін бірнеше күннен соң өзін нашар сезініп, ауруханаға түскен. Дәрігерлер оған амеба инфекциясы диагноз қойды, алайда бала бірнеше күннен соң қайтыс болды.
Naegleria fowleri көбінесе суға түскен кезде мұрынға кіргенде миға жетіп, менингоэнцефалит деп аталатын ауыр ауру тудырады. Бұл аурудың белгілері қатты бас ауруы, қызудың көтерілуі, жүрек айну және кейіннен сананың бұзылуы мен құрысу. Ауыр жағдайда науқас қайтыс болады.
Дәрігерлер амебаның жылы маусымда, әсіресе жаздың ыстық күндерінде белсенді болатынын айтады. Бірақ жұқтыру жағдайлары өте сирек кездеседі. АҚШ-та 1962 жылдан бері 167 жағдай тіркелген, олардың төрт адам ғана аман қалған.
Кейінгі кезде АҚШ-та ғана емес, басқа елдерде де амеба инфекциясын жұқтырғандарға байланысты бірнеше оқиға тіркелген.
