Елордада теннистен ересектер арасында Қазақстан чемпионатының жеңімпаз-жүлдегерлері анықталды, деп хабарлайды turkystan.kz.
Әйелдер арасында осы жарыстың 1-ракеткасы Жібек Құламбаева қарсылас шақ келтірмеді. Жібек финалда чемпионаттың үшінші ракеткасы болып тіркелген Аружан Сағындықованы тартысты матчта 6:4, 7:6 (7:5) есебімен ұтты.
Осылайша, Құламбаева елімізде мықты теннисшілердің бірі екендігін тағы бір дәлелдеді. Полина Слепцованы 7:6 (7:5), 7:5 есебімен жеңген Іңкәр Дүйсебай қола жүлдеге ие болды.
