Павлодар облысындағы Баянауыл ұлттық паркінде найзағай түсіп, өрт шықты, деп хабарлады turkystan.kz сайты Pavlodarnews.kz-ке сілтеме жасап.
Парк басшысы Аждар Жүсіповтің айтуынша, таулы жерлерде өртті орманшылар байқап қалған.
«Найзағай түсіп, өрт шықты. Біздің орманшылар түтінді уақытында көріп, оқшаулап үлгерді. Осылайша орманды ірі өрттен құтқарды», – деді Аждар Жүсіпов.
Оның айтуынша, тілсіз жау Торайғыр ауылы жанындағы №12 кварталда болған.
