Қырғыз Республикасының Нарын облысында магнитудасы 4,6 баллдық жер сілкінісі тіркелді, деп хабарлады turkystan.kz.
Бұл туралы Қырғыз Республикасының Сейсмология институты мәлімдеді.
Мекеме мәліметіне сәйкес, жерасты дүмпулері жергілікті уақытпен 16:18-де тіркелген. Жер сілкінісінің эпицентрі Кара-Булак ауылынан оңтүстік-шығысқа қарай 12 шақырым жерде және Нарын қаласынан 79 шақырым қашықтықта орналасқан.
Нарын облысына қарасты өзге елді мекендерде жер сілкінісінің күші келесідей болған: Орто-Сырт және Кара-Булан ауылдарында – 4 балл, Кызыл-Туу, Кара-Булак және Казыбек ауылдарында – 3,5 балл.
Қырғыз Республикасының Төтенше жағдайлар министрлігі оқиға салдарынан зардап шеккендер мен айтарлықтай қираулар жоқ екенін хабарлады.
