Продюсер Баян Алагөзова биыл мыңдаған қазақстандықтардың назарын аударған «Алтын ханым» байқауының жеңімпазын жариялады, деп жазады turkystan.kz.
Бас жүлдені Ақтөбеден келген кәсіпкер Самал Асанова иеленді. Ол ештеңеден бастаса да, бүгінде 50 дүкен ашып, 600-ден астам қазақстандықты жұмыспен қамтамасыз еткен.
«Бүгін 35 мың адам дауыс берді, соның ішінде 10 мыңнан астамы Самалға дауыс берді... Сізде үлкен жанкүйерлер мен табынушылар армиясы бар», – деді Баян Алагөзова.
Белгілі журналист және байқау жүргізушісі Динара Сатжанның айтуынша, «Алтын ханым» – бұл сұлулық пен жетістікке арналған байқау ғана емес, бүкіл елдің әйелдерін шабыттандыратын ауқымды әлеуметтік жоба.
«26 қатысушы. 26 тағдыр. 26 мотивациялық оқиға», – деп жазды ол әлеуметтік желідегі парақшасында.
Жеңімпаздың есімі жарияланғаннан кейін әлеуметтік желілерде қызу талқы басталды. Пайдаланушылардың пікірі екіге бөлінді: бірі Самалдың өмір жолына таңданып, шабытпен дауыс берсе, енді бірі дауыс беру процесінің ашықтығына күмән келтірді. Кейбіреулер Самалдың – танымал тұлға екенін, оған белгілі блогерлер мен әртістердің қолдауы көп болғанын атап өтті.
