Жапон киім бренді Uniqlo Ресей нарығына қайта оралмайды. Бұл шешімнің себебі – компанияның ниетінде емес, оның басшысы Тадаси Янаидың бұрын берген уәдесінде жатыр, деп хабарлайды turkystan.kz vedomosti.ru-ға сілтеме жасап.
"Мен сөз бердім және оны орындаймын, себебі мен үшін абырой – бәрінен жоғары. Біз, мүмкін, қайта оралғымыз келетін де шығар, бірақ қазіргі жағдайда жаңа талаптармен жұмыс істеуге тура келеді, – деді Янай мырза.
Uniqlo 2022 жылы Ресейдегі 49 дүкенін жауып, нарықтан кеткен болатын.
Бұл сөздің құны — 49 жабылған дүкен мен 125 млн доллардан астам шығын. Алайда Uniqlo жетекшісі үшін уәде мен бедел қаржыны жоғалтудан да маңызды болып отыр.
