2025 жылдың сәуірінде спорт жанкүйерлері үшін 2026 жылғы Олимпиада ойындарына дайындықтың маңызды кезеңі басталды. Ұйымдастырушылар Милан мен Кортина-д’Ампеццо қалаларында өтетін Олимпиадаға билеттердің ашық сатылымға шыққанын жариялады.
Айта кетейік, билеттерді сатудың алғашқы кезеңі 2025 жылдың ақпан айында өтті. Бұл кезеңде кез келген адам арнайы лотереяға қатыса алды. Лотерея жеңімпаздары билеттерді ең қолайлы орындардан сатып алу мүмкіндігіне ие болды. Қатысу үшін ресми платформаға тіркелу қажет болғанымен, бұл сатып алуға міндеттемейтін. Лотерея тек билеттерді сатып алу уақытының аралығын анықтау мақсатында ұйымдастырылды.
Енді билеттер ашық сатылымға шықты. Маңызды ескерту – билеттер тек ресми платформа арқылы сатылады. Билет сатып алу үшін сілтеме арқылы өту керек: https://tickets.milanocortina2026.org/en/search/?affiliate=26O
Ұйымдастыру комитеті "Early Bird" деп аталатын ерте броньдау акциясын ұсынып отыр. Жеңілдіктер 6 мамырға дейін жарамды. Дегенмен, бұл акция ұзартылуы да мүмкін. Билеттердің саны шектеулі, ал әрбір пайдаланушы көрермендердің есімдерін көрсете отырып, 25 цифрлық билетке дейін сатып ала алады. Айта кетейік, 2025 жылдың желтоқсан айынан бастап бұл есімдерді ресми қосымша арқылы тегін өзгертуге болады. Ал үш жасқа дейінгі балалар ересек адамның қасында болған жағдайда жарыстарға тегін кіре алады.
Ұйымдастырушылардың айтуынша, алғашқы кезеңде 660 мыңнан астам билет сатылған. Ең көп билет сатып алғандар қатарында Италия тұрғындарымен қатар Германия, АҚШ, Ұлыбритания, Франция, Нидерланд, Канада және басқа да елдердің жанкүйерлері бар. Ең белсенді топ – 25 пен 34 жас аралығындағы спорт жанкүйерлері. Олар барлық сатып алушылардың 30 пайыздан астамын құрайды.
Билеттердің бағасы әртүрлі: Миланда өтетін әйелдер арасындағы хоккейдің іріктеу матчтарына 30 еуродан басталса, мәнерлеп сырғанаудан өтетін гала-шоу билеттері 1200 еуроға дейін жетеді. Ең көп сұранысқа ие жарыс кезеңі – финал. Алайда шешуші кезеңдерге билеттер әлі қолжетімді емес.
Ойындар Италияның солтүстік аймағын толық қамтиды:
Негізгі орталық – Милан, мұнда конькимен жүгіру, шорт-трек, мәнерлеп сырғанау және шайбалы хоккей бойынша жарыстар өтеді.
Миланнан бөлек, Олимпиаданың жарыстары төмендегі аймақтық кластерлерде өтеді:
Кортина кластері:
- Антерсельва – биатлон
- Кортина – тау шаңғысы (әйелдер), шана спорты, бобслей, скелетон, керлинг
- Вальтеллина кластері:
- Бормио – тау шаңғысы (ерлер), ски-альпинизм
- Ливиньо – сноуборд, фристайл (акробатика, могул, биг-эйр, халфпайп, ски-кросс)
Валь-ди-Фьемме кластері:
- Предаццо – шаңғы жарысы, шаңғымен трамплиннен секіру, шаңғы қоссайысы
Олимпиада тарихында алғаш рет ашылу салтанаты бірден төрт кластерде бір уақытта өтеді. Оған барлық спортшылар қатысады. Олимпиада алауы бір мезетте Милан мен Кортинада жағылады. Ашылу салтанатының басты сахнасы – Миландағы аты аңызға айналған "Сан-Сиро" стадионы болады. Олимпиаданың жабылу рәсімі Верона қаласында өтеді.
Билеттерді ресми платформа арқылы сатып алудан бөлек, трибунаға кірудің тағы бір жолы бар – бұл қонақжайлық бағдарламасы. Бұл бағдарлама жарыстарға билеттер мен сапалы қызмет жүйесін біріктіретін айрықша топтамаларды ұсынады.
Жанкүйерлер екі түрлі топтаманың бірін таңдай алады. Олар орналастыру шарттары мен қатысуға болатын іс-шаралар тізімі бойынша ерекшеленеді.
Бұл топтамаға Олимпиада жарыстарына кепілдікпен кіру мүмкіндігі, ерекше лаундж-аймақтардағы жоғары деңгейлі қызмет түрлері, таңдаулы тағамдар мен сусындар, жарыс нысандарына бару, ерекше естелік сыйлықтар, спортшылармен кездесу сынды қызметтер кіруі мүмкін. Мұндай ұсыныстар Олимпиада өтетін барлық орындарда қолжетімді. Сонымен қатар жанкүйерлерге көлікпен қатынау, нысандар арасында еркін қозғалуға қатысты кеңестер мен қосымша қолдау көрсетіледі.
Маңызды: билеттер секілді, қонақжайлық топтамаларын да тек ресми сайттан сатып алуға болады.
Еске сала кетейік, 2026 жылғы қысқы Олимпиада ойындары 6-22 ақпан аралығында өтеді. Барлығы 195 медаль жиынтығы сарапқа салынады. Бұл Олимпиада Италия тарихындағы төртінші ойындар болмақ. Бұған дейін Италия 1956 жылы Кортина-д’Ампеццода және 2006 жылы Туринде қысқы Олимпиада ойындарын, ал 1960 жылы Римде жазғы Олимпиаданы өткізген еді.
