Экс-министр Қуандық Бишімбаевтың бұрынғы әйелі Назым Қаһарман бұрынғы ата-енесінің үш немересіне неге алимент төлемей жатқанын айтты, деп жазады turkystan.kz.
«30 наурызда маған Бишімбаевтардың адвокаты хабарласып, Қуандықтың анасының алимент пен өзге де шығындарды төлеуден бас тартатынын айтты. Себеп – ақша қайын атама керек екен, басқа да шығындары көп екен, балалар олармен араласпайды екен. Сондықтан Қуандықтың өзі төлесін депті. Ал Қуандық осы адвокат арқылы алиментті қуана-қуана төлегісі келетінін, бірақ барлық мүлкі анасының атына жазылғанын жеткізді. Ал анасы мүліктерді басқа туыстарының атына жазып жоғалтқан немесе немерелеріне алимент төлегісі келмейді. Қуандық алимент төлеу үшін абақтыда жұмыс тапқанша күте тұруды сұрады. Бұл нашар отбасының тақырыбын жапқым келеді. Бізді әлі Жоғары сот күтіп тұр. Жоғарғы сот соңғы нүктесін қояды деп үміттенемін», – дейді ол.
