24 жылға сотталған Қуандық Бишімбаевтың бұрынғы әйелі Назым Қаһарман Қуандық пен оның отбасының балалардың шығынын төлемей жатқанын мәлімдеді, деп жазады turkystan.kz.
«Биыл Каримнің мектебінің оқу ақысының үштен екісін Қуандық пен оның отбасы төлеген жоқ. Былтыр ешқандай демалыстың ақысы төленбеді. Психологтың қызметі де төленген жоқ. Ал біз психологқа көп бардық. Себебі балалар үлкен психологиялық жарақат алды. 1,5 жылда қомақты сома жиналды. Адвокат Ғазымжанов мырзаға жібердім. Олар жауапсыз қалдырды. Денсаулық туралы айтпай-ақ қояйын. Бірде бір дәрігердің қызметі, дәрумендер мен дәрі-дәрмектің ақшасы төленген жоқ», – дейді Назым Қаһарман.
Оның айтуынша 2020 жылы олар ажырасқан кезде алимент келісімшартын жасап, Бишімбаев балалардың жоғарыда аталған келісімшартын төлеуге тиіс болған.
Бірақ алимент тұрақты төленбеген. Тек өткен жылдың қараша – желтоқсан айынан бастап қана тұрақты жібере бастаған.
