Әнші Жазира Байырбекова жақсылық жасау оңай шаруа емес екенін айтты, деп жазды turkystan.kz.
«Адамға жақсылық жасарда да абай болу керек екенін түсіндім. Сен кімге көп жақсылық жасайсың – сол сенің жауыңа айналуы мүмкін дейді зерттеушілер. Бір досымыз бейтаныс көпбалалы отбасына жиі көмектесіп жүріп, тоқтаған ғой. Ол отбасындағы әйелдің әпкесі хабарласып «Сенің басың істей ме? Көмектеспегеніңе көп болыпты. Аш отыр деп ойламайсың ба?» деп ұрсыпты. Менің басымда да ондай жағдай көп болды. «Мен өз бала-шағамды өзім асырап жүрмін» деп менен көптен көмек алмағанына ренжіп жүргендер де бар. «Жақсылық жаса да ұмыт» деген сөз бар. Бірақ ұмытуға мүмкіндік бермей қоятындар ше?! Біреу маған міндетті деп өмір сүретін масылдық психологимен жүретіндер бар ма айналаңызда? Осыған ұқсас оқиғаларыңыз болса жазыңыздаршы. Әңгімелеспегелі көп болыпты сіздермен...», - деп жазды әнші әлеуметтік желіде.
Еске салайық, бұған дейін Жазира Байырбекова күйеуінің қаталдығы жайлы айтқан еді.
