Футболдан Қазақстан құрамасының мүшесі, алматылық «Қайрат» клубының шабуылшысы Дастан Сәтпаев Испанияның Ла Лигасы немесе Германияның Бундеслигасынан шақырту алған. Бұл туралы футбол агенті Герман Ткаченко Sport24 сайтына берген сұхбатында айтты.
Жуырда 16 жастағы Дастан Сәтпаевтың 2026 жылдың жазында кәмелеттік жасқа толған соң ресми түрде әйгілі «Челси» командасына қосылатыны белгілі болды. Ол уақытқа дейін ол «Қайрат» сапында өнер көрсетеді.
Герман Ткаченко 16 жастағы футболшының өте дарынды ойыншы екенін айта келіп, оған тек Англия клубтары емес, басқа да еуропалық клубтар қызыққанын айтады.
— Дастанға АПЛ, Ла Лига, Бундеслига, жалпы айтқанда барлық жетекші лигада ойнайтын клубтар қызықты. Алайда «Челси» бәрінен бұрын табандылық танытты, олар Сәтпаевтың ағылшын клубының сапында ойнағанын қатты қалады. «Қайрат» клубы да Дастанның онда ойнағанын қалады», — дейді Ткаченко.
