Тараз қаласында орналасқан бизнес орталықтардың бірінің жанынан ер адамның мәйіті табылды, деп хабарлайды turkystan.kz.
Марқұмды бірінші болып жаяу жүргіншілер байқаған. Оның денесінен зорлық-зомбылық іздері байқалмаған. Оқиға орнына полиция қызметкерлері шақырылған.
«Оқиға орнына келген полиция қызметкерлері ер адамның мәйітін тапты. Қайтыс болған адамның кім екені анықталды. Дәрігерлердің дерегі бойынша 61 жастағы азаматта астма болған. Астма инсультқа әкеліп соққан», – деді Жамбыл облысының Полиция департаменті.
Құқық қорғаушылар адам өлімі бойынша сотқа дейінгі тергеу жүргізіп жатыр.
